سبحـان مـن ردّك علـيّ .. و بـه آآمنـت
وينك ؟ و وش قومك امقفّـي ؟ و وش جـاك
يعنـي عشـان انــك ابـروحـي تمكـنـت
كـذا بـدون اسبـاب تقفـي ؟ يـا مقسـاك
إن زنت لـي يوميـن .. شهريـن مـا زنـت
يـا عـازم ٍ ضيقـي علـى قــاع فـرقـاك
لبّايتـي فـي الوقـت عيّـت .. تبيـك انـت
و إلـغيرك أنطق ( هااااه ) .. ولا ّ انت ؟ لبّااك
و اليـا طلبـت اقـول لـك ( سَـم لاهنـت )
و غيرك ليا منّه طلـب ؟ قلـت لـه هـااااااك
لـو إن روحـك مالهـا بـيّ ؟ مـا كـنـت
ترسـل علـي .. هـذا .. و ذولا .. و ذولاك
اضرب بهم فـي صـوح و اقفـي مـا بيّنـت
إنّـي عليـك اشفـق .. و شواشـة إحكـاك
لكن مدامـك زنـت مـن عقـب مـا شنـت
و جيت .. و طلبت العذر .. ظني مـا يخفـاك
إن العـذر مقبـول و إنّــي مـعّـك لِـنـت
و يلي على ( آآبـارك و جمـرك و مركـاك )
مـا ودي اوجـع خاطـرك دامـك اذعـنـت
لا عـــاد تلـحّـانـي ولا ودي ألـحَــاك
فـي ذمّتـي مـا هـز قلـبـي ولا َ بـنـت
استغـفـر الله .. فـيـه عـلـم ٍ تـعــدّاك
مـرّت سنَـه فـي غيبـتـك مــا تبيّـنـت
و بغيـت اخـاوي واحـد ٍ ( كنّـه إيــاك )